ഋഷിവര്യൻമാരും ഗുരു പരമ്പരകളും അനുഗ്രഹിച്ച് നൽകിയ വിജ്ഞാന സമ്പത്താണ് ഭാരതത്തിന്റെ ഊർജ്ജം. ഈ ഊർജ്ജം സൃഷ്ടിക്കുന്ന വെളിച്ചമാണ് ലോകത്തിന്റെ നിലനിൽപ്പിന് അടിസ്ഥാനം .എന്നാൽ അടുത്തകാലത്ത് ഭാരത സംസ്കാരത്തിൽ ചില മൂല്യച്യുതികൾ സംഭവിച്ചിട്ടുണ്ട് . വേദങ്ങളിലും പുരാണങ്ങളിലും കൊടുത്തിരിക്കുന്ന ശാസ്ത്രീയമായ വാക്കുകളും ആശയങ്ങളും അശാസ്ത്രീയമായി ദുർവ്യാഖ്യാനം ചെയ്തതാണ് കാരണം. ഇതു പരിഹരിച്ച് ഈ തലമുറയ്ക്കും വരും തലമുറയ്ക്കും ശരിയായ ശാസ്ത്രജ്ഞാനം ലഭ്യമാക്കാൻ വേണ്ടി രൂപീകരിച്ചിരിക്കുന്ന സ്ഥാപനമാണ് രാശി സ്പിരിച്ചൽ അക്കാഡമി ട്രസ്റ്റ്.

വിവിധ വിഷയങ്ങൾ പഠിപ്പിക്കുന്ന ഒരു സർവകലാശാല പോലെ ഒരു സർവ്വവിജ്ഞാന കോശമായി ഓരോ വിദ്യാർത്ഥിയേയും ഈ പഠനകേന്ദ്രം മാറ്റുന്നു.. ആചാരാനു ഷ്ഠാനങ്ങളുടെ ശാസ്ത്രീയത മനസ്സിലാക്കി കൊടുക്കുന്നത് വഴി ഒരു സയൻസ് ലാബ് പോലെയാണ് രാശി പ്രവർത്തിക്കുന്നത് രാശിയിൽ നിന്ന് പഠിച്ചിറങ്ങുന്ന ഓരോ വിദ്യാർത്ഥിയും സമൂഹത്തെ അന്ധകാരത്തിൽ നിന്ന് വെളിച്ചത്തിലേക്ക് നയിക്കുന്നു . തിന്മയിൽ നിന്നും നന്മയിലേക്ക് സഞ്ചരിപ്പിക്കുന്നു . അന്ധവിശ്വാസങ്ങളിൽ നിന്ന് ശരിയായ ചിന്താധാരയിലേക്ക് കൂട്ടികൊണ്ടു പോകുന്നു.

മനുഷ്യന്റെ പ്രാഥമിക ആവശ്യങ്ങളിൽ ഏറ്റവും പ്രധാനപ്പെട്ടത് ഭക്ഷണം ,വസ്ത്രം. ഔഷധം എന്നിവയാണ് . ഇതിൽ ഭക്ഷണത്തിനാണ് കൂടുതൽ സ്ഥാനം. അതിനാൽ ഭക്ഷണം അർഹതപ്പെട്ടവർക്ക് എത്തിച്ചുകൊടുക്കുക എന്ന ലക്ഷ്യത്തോടെ രാശിയിൽ ഫുഡ് ബാങ്ക് എന്ന വിഭാഗവും പ്രവർത്തിക്കുന്നുണ്ട് . രാശി ട്രസ്റ്റിൻ്റെ മറ്റൊരു പ്രധാന ഘടകമാണ് സ്പിരിച്ച്വൽ റഫറൻസ് ലൈബ്രറി. ഭാരതീയ ശാസ്ത്രങ്ങളുമായി ബന്ധപ്പെട്ട ആധികാരിക ഗ്രന്ഥങ്ങൾ ഇവിടത്തെ ഗ്രന്ഥശേഖരത്തിൽ ഉൾപ്പെടുന്നു . വേദങ്ങൾ, ഉപനിഷത്തുകൾ, പുരാണങ്ങൾ, ഇതിഹാസങ്ങൾ എന്നിവയും ജ്യോതിഷം, വാസ്തു ശാസ്ത്രം, താന്ത്രികം ,പൂജാദികാര്യങ്ങൾ യോഗശാസ്ത്രം, ആയുർവേദം തുടങ്ങിയവയുമായി ബന്ധപ്പെട്ട പുസ്തകങ്ങളും രാശിയുടെ ലൈബ്രറിയിൽ ഉണ്ട്. ഇവിടത്തെ പഠിതാക്കൾക്ക് ഒരു റഫറൻസ് ലൈബ്രറിയായി പ്രയോജനപ്പെടുന്ന രീതിയിലാണ് ഇത് സംവിധാനം ചെയ്തിരിക്കുന്നത്.

ശുദ്ധമായ വായുവും ജലവും ജീവിക്കാനുള്ള അനുകൂല സാഹചര്യങ്ങളും ലഭ്യമാക്കുന്ന പ്രകൃതിയെ നിലനിർത്തേണ്ടത് നമ്മുടെ ആവശ്യമാണ് . അതിനാൽ പ്രകൃതി സംരക്ഷണത്തിനു വേണ്ടിയും രാശി ട്രസ്റ്റ് പ്രവർത്തിച്ചു കൊണ്ടിരിക്കുന്നുണ്ട്.
"എനിക്ക് ഒരു മരം
നമുക്ക് ഒരു മരം
ഭൂമിക്കൊരു മരം "
എന്ന സന്ദേശത്തോടെ ഒരു കുടുംബത്തിൽ (വീട്ടിൽ) മൂന്ന് വൃക്ഷ തൈകൾ വച്ചുപിടിപ്പിക്കുന്ന പദ്ധതിയാണ് രാശി ട്രസ്റ്റ് നടപ്പാക്കുന്നത്.