രണ്ടു ദശാബ്ദക്കാലമായി ഭാരതീയ ആചാര അനുഷ്ഠാനങ്ങളിൽ നിരന്തരമായ നിരീക്ഷണവും പരീക്ഷണവും നടത്തുകയാണ് ഉത്തരംകോട് സജു.

ഗ്രഹങ്ങൾ മനുഷ്യ ജീവിതത്തിൽ ഉണ്ടാക്കുന്ന സ്വാധീനം എങ്ങനെ ? ഒരാൾക്ക് ഈശ്വരാധീനം ലഭിക്കുന്നത് എങ്ങനെ? പോസിറ്റീവ് എനർജി എന്നും നെഗറ്റീവ് എനർജി എന്നും നാം വിളിക്കുന്ന അനുകൂല പ്രതികൂല ഊർജ്‌ജങ്ങൾ ഉണ്ടാകുന്നതെങ്ങനെ? പോസിറ്റീവ് എനർജി കൂടുതൽ സൃഷ്ടിക്കുന്നത് എങ്ങനെ? തുറസായ സ്ഥലങ്ങളിൽ നിൽക്കുമ്പോഴും ഒരു കെട്ടിടത്തിനുള്ളിൽ നിൽക്കുമ്പോഴും ഊർജ്ജ തരംഗങ്ങളിൽ വ്യത്യാസം വരുന്നതെങ്ങനെ? വിധി എന്നാൽ എന്താണ് ? അവ തിരുത്താൻ കഴിയുമോ? ചില പ്രത്യേക സ്ഥലങ്ങൾ (തീർത്ഥാടന കേന്ദ്രങ്ങൾ ) മനുഷ്യനെ കൂടുതൽ സ്വാധീനിക്കുന്നുണ്ടോ ?തുളസി, നെല്ലി തുടങ്ങിയ സസ്യങ്ങൾ എങ്ങനെ സ്വാധീനിക്കുന്നു ? ഹോമങ്ങൾ വഴിയുള്ള ഊർജ്ജത്തിൻ്റെ പ്രത്യേകത എന്താണ് ? രത്നങ്ങൾ ധരിക്കുമ്പോൾ മാറ്റം ഉണ്ടാകുമോ? തുടങ്ങിയ അനവധി കാര്യങ്ങളാണ് ഈ കാലയളവിൽ നേരിട്ട് നിരീക്ഷണ പരീക്ഷണം നടത്തിയത് . ഇതിന് നിരവധിപേരുടെ ജാതകങ്ങളും ജീവിതവും പരിശോധിച്ച് കൊണ്ടേയിരുന്നു . ഈ കണ്ടുപിടുത്തങ്ങളാണ് Discover - യിൽ കൊടുത്തിരിക്കുന്നത്.

നാരായണ പിരമിഡ്


വേദങ്ങളിലും ഉപനിഷത്തുകളിലും പുരാണങ്ങളിലും പ്രപഞ്ചത്തിലെ മഹാ രഹസ്യങ്ങൾ അടങ്ങിയിരിക്കുന്നു. ഈ രഹസ്യങ്ങളിൽ പ്രധാനം ഊർജ്ജത്തെ കുറിച്ചുള്ളതാണ്. ഏതു വസ്തുവും സൃഷ്ടിക്കാനും നിലനിർത്താനും നശിപ്പിക്കാനുമുള്ള ഊർജ്ജ കണങ്ങൾ ഈ പ്രപഞ്ചത്തിൽ എല്ലായിടത്തുമുണ്ട്. തൂണിലും തുരുമ്പിലും ഈശ്വരനുണ്ട് എന്ന് ലളിതമായി പറയുന്നത് ഈ അർത്ഥത്തിലാണ് . ഈ ഊർജ്ജത്തിൽ നിലനിർത്താനുള്ള അഥവാ സംരക്ഷിക്കാനുള്ള ഊർജ്ജത്തെയാണ് നാം കൂടുതൽ സ്വീകരിക്കുന്നതെങ്കിൽ നമുക്ക് ഉയർച്ച ഉണ്ടാക്കുകയും നാശമില്ലാത്ത അവസ്ഥ വരുകയും ചെയ്യുന്നതാണ് . ജീവിതത്തിന്റെ ഉയർച്ച കൂട്ടുന്ന ഊർജ്ജത്തെ പോസിറ്റീവ് എനർജി എന്നാണ് ഇന്ന് സാധാരണ പറഞ്ഞു വരുന്നത്. ഈ പോസിറ്റീവ് എനർജി അഥവാ അനുകൂല ഊർജ്ജം നമുക്ക് ലഭ്യമാക്കുന്ന അനേകം വസ്തുതകൾ ഭൂമിയിലുണ്ട്. എന്നാൽ സ്വാഭാവികമായ ഈ ഘടകങ്ങളെ കൂടാതെ കൃതിമമായി പോസിറ്റീവ് എനർജി കിട്ടുന്ന ചില സാഹചര്യങ്ങൾ നമുക്ക് തന്നെ സൃഷ്ടിക്കാനാവും. അതിന് സഹായിക്കുന്നവയാണ് പിരമിഡുകൾ. നാലുവശവും ചരിഞ്ഞ രൂപത്തിലുള്ള പ്രതലങ്ങൾ ഉള്ളവയാണ് പിരമിഡുകൾ. നാലു ത്രികോണ രൂപങ്ങളെ യോജിപ്പിച്ചാൽ ഉണ്ടാകുന്ന രൂപം.
നിരന്തരമായ നിരീക്ഷണവും പരീക്ഷണവും നടത്തി പിരമിഡ് എങ്ങനെയാണ് മനുഷ്യജീവിതത്തിലും പ്രകൃതിയിലും സ്വാധീനിക്കുന്നതെന്ന് ഉത്തരംകോട് സജു കണ്ടെത്തുകയുണ്ടായി. അതിശയകരമായ മാറ്റങ്ങൾ ഉണ്ടാക്കുന്ന ഉത്തരംകോട് സജുവിൻ്റെ പിരമിഡ് രൂപത്തിന് "നാരായണ പിരമിഡ് " എന്നാണ് പേരു കൊടുത്തിരിക്കുന്നത്. ഇന്ത്യാ ഗവൺമെൻ്റിൻ്റെ പേറ്റന്റ് ഈ പിരമിഡിനു ലഭിച്ചിട്ടുണ്ട്. പിരമിഡ് ഇരിക്കുന്ന സ്ഥലത്ത് പോസിറ്റീവ് എനർജി മാത്രമാണ് ഉണ്ടാകുന്നതെന്ന് പറയാം. ഒരു ലൈറ്റിൽ നിന്ന് നാലുഭാഗത്തേയ്ക്കും പ്രകാശം ഒഴുകി പരക്കുന്നത് പോലെ ഈ പിരമിഡിൽ നിന്ന് പോസിറ്റീവ് എനർജി ചുറ്റും വ്യാപിക്കുന്നു. ഇത് ചെമ്പിലാണ് നിർമ്മിക്കുന്നതെങ്കിൽ വായുവിൻ്റെ ശുദ്ധീകരണവും അണു നശീകരണവും കൂടി നടക്കുന്നു. നാരായണ പിരമിഡ് ചെമ്പിലാണ് നിർമ്മിച്ചിരിക്കുന്നത്. 1000 സ്ക്വയർ ഫീറ്റ് ദൂരെ വരെ ഇതിൻ്റെ എനർജി പ്രവഹിക്കുന്നു.
സാമ്പത്തിക ഉയർച്ച, പ്രസിദ്ധി, ജോലിയിൽ അംഗീകാരം, ആത്മവിശ്വാസം, ശരീരത്തിന് സ്വസ്ഥത, ആരോഗ്യാവസ്ഥ ,വീട് ,വാഹനം എന്നിവയെല്ലാം ഈ പിരമിഡിൻ്റെ സാമീപ്യത്താൽ ഒരാൾക്ക് ഉണ്ടാകുന്നു. പിരമിഡ് എനർജി പൂക്കളിലും കായ് ഫലങ്ങളിലും സ്വാധീനിക്കുമ്പോൾ അവ അഴുകി നശിക്കാതെ സാവധാനം ഉണങ്ങി വരുന്നത് നമുക്ക് മനസ്സിലാക്കാനാകും. സാധാരണ വീടുകളിൽ ഭംഗിക്ക് വേണ്ടി ചരിഞ്ഞ മേൽക്കൂരയോടെ മുറികൾ പലരും പണിയാറുണ്ട്. എന്നാൽ ഇങ്ങനെ നിർമ്മിക്കുന്ന മുറിക്ക് നമ്മുടെ ജീവിതത്തിനെ മാററി മറിക്കാനുള്ള കഴിവുണ്ടെന്ന് ആർക്കും അറിയില്ല . പൂക്കളോ പെട്ടെന്ന് ഇല്ലാതാകുന്ന പച്ചക്കറിയോ അവിടെ കൊണ്ടു വച്ചാൽ അത് നശിക്കാതിരിക്കുന്നത് മനസ്സിലാക്കാനാവും .സാധാരണ രീതിയിൽ ഫ്രിഡ്ജിൽ വച്ചാലും കുറച്ച് ദിവസം കഴിയുമ്പോൾ അഴുകി പോകുന്ന വസ്തുക്കൾ ഈ മുറിയിൽ അഴുകാതെ ഉണങ്ങിവരുന്നത് നേരിട്ട് നമുക്കറിയാനാവും. പിരമിഡിനെ പോലെ നിർമ്മിച്ചിരിക്കുന്നതിനാൽ ഈ മുറിയിൽ പോസിറ്റീവ് എനർജി കൂടുതൽ ഉണ്ടാകുന്നതാണ് ഈ പ്രത്യേകതകൾക്ക് പിന്നിലുള്ള കാരണം .അതിനാൽ അവിടെ താമസിച്ചാൽ തന്നെ ആരോഗ്യവും മാനസികാവസ്ഥയും മെച്ചപ്പെടും. ഈ മുറി കുട്ടികൾക്ക് പഠനത്തിനായി തിരഞ്ഞെടുത്താൽ ബുദ്ധിശക്തി കൂടുകയും ഓർമ്മശക്തി കൂടുകയുമൊക്കെ ചെയ്യുന്നു. ഇത് കാരണം പഠിത്തത്തിൽ മികവു പുലർത്തി ജീവിതത്തിൽ ഉയർച്ച ഉണ്ടാക്കാൻ സഹായകമായി തീരും. വാസ്തു ദോഷമുള്ള വീടുകളിൽ നെഗറ്റീവ് അന്തരീക്ഷമാണ് എപ്പോഴും ഉണ്ടാകുന്നത്. ഇതിന് മാറ്റം വരുത്താൻ സഹായിക്കുന്നതാണ് "നാരായണ പിരമിഡ് ". ഒരു സ്ഥാപനത്തിൽ വിജയം ഉണ്ടാക്കുന്നത് ഓഫീസിന്റെ ചിട്ടയായ പ്രവർത്തനവും അവിടത്തെ ചുമതലയുള്ള ഓഫീസറുടെ ബുദ്ധിപരമായ ചിന്തയുമാണ്. ഇതെല്ലാം ഈ പിരമിഡിൻ്റെ സാന്നിദ്ധ്യത്തിൽ അഥവാ പോസിറ്റീവ് എനർജി ഉള്ള ഒരു അന്തരീക്ഷത്തിൽ സ്വാഭാവികമായി സംഭവിക്കുന്നു. അതിനാൽ മനുഷ്യ ജീവിതത്തിന്റെ ഉയർച്ച 25 മുതൽ 50 ശതമാനം വരെ വർദ്ധിപ്പിക്കാൻ കഴിയുന്ന നാരായണ പിരമിഡ് സൃഷ്ടിക്കുന്ന അസാധാരണ ഊർജ്ജം ഈ ലോക ജീവിതത്തിൽ വളരെയധികം മാറ്റങ്ങൾ സൃഷ്ടിക്കാൻ കഴിയും എന്നതിൽ സംശയമില്ല.

മരണമുണ്ടാക്കുന്ന നീലനിറം


ഭൂമിയിലെ ഓരോ ഘടകവും പോസിറ്റീവ് എനർജിയോ നെഗറ്റീവ് എനർജിയോ ഉണ്ടാക്കുന്നവയാണ്. ഈ ഘടകങ്ങളിൽ നിറങ്ങൾക്ക് പ്രത്യേക പ്രാധാന്യമുണ്ട്. ഓരോ നിറവും ഓരോ രീതിയിലാണ് നമ്മുടെ ജീവിതത്തെ സ്വാധീനിക്കുന്നത് . ഇതിൽ അപകടകരമായ സ്ഥിതി ഉണ്ടാക്കുന്നത് നീല നിറമാണ്. ഒരാളെ കഠിനമായി ജോലി ചെയ്യിപ്പിക്കുകയോ കഷ്ടപ്പെടുത്തുകയോ നശിപ്പിക്കുകയോ യെക്കെ നീലനിറം ചെയ്യുന്നു. നിരന്തരമായ നിരീക്ഷണ പരീക്ഷണത്തിലൂടെയാണ് ഇത് ഉത്തരംകോട് സജു കണ്ടെത്തിയിരിക്കുന്നത്. ഒരു വീടിന് പുറത്തും അകത്തും നീല പെയിൻ്റാണ് കൊടുത്തിരിക്കുന്നതെങ്കിൽ അവിടെ ദുർമരണം നടക്കുകയോ നിരന്തരം അസുഖം ബാധിക്കുകയോ ഒറ്റപ്പെടൽ ഉണ്ടാവുകയോ ചെയ്യുന്നു. ദുർമരണം കൂടുതലും കുട്ടികൾക്കാണ് സംഭവിച്ച് കാണുന്നത്. ചുരുക്കം ചിലയിടങ്ങളിൽ മാത്രം മുതിർന്നവർക്ക് സംഭവിച്ചിട്ടുണ്ട്. ചിലർക്ക് ഓക്സിജൻ സ്വീകരിക്കാനാവാതെ വരുന്ന അസുഖങ്ങളോ ഹൃദയസംബന്ധമായ അസുഖങ്ങളോയാണ് ഉണ്ടാകുന്നത്. നീല പെയിന്റ് അടിച്ച വീടിനുള്ളിൽ വായു മലിനമാകുകയും അത് വഴി പോസിറ്റീവ് എനർജി പൂർണ്ണമായി ഇല്ലാതാകുകയും ചെയ്യുന്നതുകൊണ്ടാണ് ശാരീരികമായും മാനസികമായും തുടർച്ചയായി ഇത്തരം പ്രശ്നങ്ങൾ ഉണ്ടാകുന്നത്. എത്ര പ്രാർത്ഥിച്ചാലും പരിഹാരം ചെയ്താലും ഫലം ഇല്ലാതാകുന്നത് നീല പെയിന്റ് അടിച്ച വീട്ടുകാരുടെ അനുഭവമാണ്. ഒരാൾ ചൈതന്യമുള്ള ക്ഷേത്രത്തിലാണ് ദർശനം നടത്തുന്നത് എങ്കിൽ ഊർജ്ജസ്വലത ഉണ്ടാവുകയും രോഗാവസ്ഥയ്ക്ക് പെട്ടെന്ന് മാറ്റം വരികയും ജീവിതത്തിൽ ഉയർച്ച ഉണ്ടാവുകയുമൊക്കെ ചെയ്യുന്നു. എന്നാൽ നീല പെയിൻ്റുള്ള വീട്ടിലെ ഒരാളാണ് ക്ഷേത്രദർശനം നടത്തുന്ന തെങ്കിൽ അയാളുടെ ഫലം (ഈശ്വരാധീനം) ഒരു ദിവസം മാത്രമായി ചുരുങ്ങുന്നു. ഇത് ശുദ്ധിയോടെ ഒരാൾ ക്ഷേത്രദർശനം നടത്തിയിട്ട് മടങ്ങി വന്ന് ഏറ്റവും മലിനമായ ജലാശയത്തിൽ ചെന്ന് മുങ്ങുന്നതിന് തുല്യമായ അനുഭവമാണ്. നമ്മുടെ സമൂഹത്തിൽ നീലനിറം ഉപയോഗിച്ചിരിക്കുന്ന സാഹചര്യങ്ങളും സാധനങ്ങളുമൊക്കെ പരിശോധിച്ചാൽ ഏതൊരാൾക്കും ഇതിന്റെ യഥാർഥ്യം മനസ്സിലാക്കാനാവും. ജീവിതത്തിൽ പല കാര്യങ്ങളും ആവർത്തിച്ച് സംഭവിച്ചാലും അതെന്താ ണെന്ന് ചിന്തിക്കാത്ത ഒരു കാലഘട്ടത്തിൽ നാം ജീവിക്കുന്നത് കൊണ്ടാണ് ഇതൊന്നും മനസ്സിലാകാതെ വരുന്നത്.
സെക്യൂരിറ്റിക്കാരുടെ യൂണിഫോം പൊതുവേ നീലനിറത്തിൽ ഉള്ളതാണ്. അവരുടെ അവസ്ഥ എന്താണ്? വിശ്രമം ഇല്ലായ്മയും ഉറക്കമില്ലായ്മയും. ഇത് അവരുടെ ജോലിയുടെ സ്വഭാവം ആണെന്ന് പൊതുവേ നമുക്ക് ചിന്തിക്കാം. പക്ഷേ ഈ ജോലി ഇല്ലാത്തവരും ഈ യൂണിഫോം അഥവാ നീല നിറത്തിലുള്ള വസ്ത്രങ്ങൾ ധരിച്ചാൽ ഇതേ അവസ്ഥയിൽ ആകും എന്നതാണ് കൗതുകകരമായ യാഥാർത്ഥ്യം. ഒരേ സ്ഥലത്ത് രണ്ട് യൂണിഫോമിലുള്ള (ഒന്നു നീലയും മറ്റൊന്ന് വേറെ നിറവും) ഉദ്യോഗസ്ഥർ നിന്നാൽ നീല യൂണിഫോം ധരിച്ച ഉദ്യോഗസ്ഥൻ മാത്രം അസ്വസ്ഥമായി നിൽക്കുന്നത് കാണാം. അയാൾക്ക് ആയിരിക്കും തിരക്ക് കൂടുതൽ. എല്ലാപേരും അയാളോട് ദേഷ്യപ്പെടാം. ചിലപ്പോൾ അയാളായിരിക്കും മറ്റുള്ളവരോട് ദേഷ്യപ്പെട്ടുകൊണ്ടിരിക്കുന്നത്. കാരണമില്ലാതെ തന്നെ അസ്വസ്ഥത തോന്നുന്നത് കൊണ്ടാണ് അയാൾ എല്ലാ പേരോടും പരുഷമായി പെരുമാറുന്നത്. സ്കൂളുകളിൽ സ്കൗട്ട്സ് ആൻഡ് ഗൈഡ്സിൻ്റെ വേഷവും നീലനിറമാണ്. വനാന്തരങ്ങളിലും പാറക്കെട്ടുകളിലും മലമുകളിലുമൊ ക്കെയുള്ള സാഹസിക പ്രവർത്തികളാണല്ലോ അവർ കൂടുതൽ ചെയ്യുന്നത് . ഇത് ശരീരം കൊണ്ട് കഠിന പ്രവർത്തനങ്ങളിൽ ഏർപ്പെടുന്ന നീല നിറത്തിന്റെ പ്രത്യേകതകളിലൊന്നാണ്. കഠിനമായി ജോലി ചെയ്യേണ്ടി വരുന്നത് നീല വസ്ത്രം ധരിച്ചവരുടെ സ്വഭാവമാണ്. വർഷോപ്പ് ജീവനക്കാരും ടെക്നിക്കൽ ,മെക്കാനിക്കൽ ജോലികൾ ചെയ്യുന്നവരും നീല നിറത്തിലുള്ള വേഷമാണ് ധരിക്കുന്നത്. കാരണം അവർക്കെല്ലാം കടുത്ത ജോലികൾ ആണല്ലോ ചെയ്യേണ്ടത്. കഠിനമായ ജോലി ചെയ്യുന്നവർക്ക് നീല യൂണിഫോം ആരാണ് നിശ്ചയിച്ചത് ? ആരും കരുതിക്കൂട്ടി തീരുമാനിച്ചതല്ല. പ്രപഞ്ചത്തിൽ നിലനിൽക്കുന്ന സ്വാഭാവികമായ ശാസ്ത്ര സിദ്ധാന്തങ്ങളാണ് ഇതിനു പിന്നിൽ പ്രവർത്തിക്കുന്നത്. ഈ സിദ്ധാന്തങ്ങൾ പ്രതിപാദിക്കുന്ന അറിവുകളുടെ ശേഖരമാണ് ഭാരതീയ ഋഷിവര്യൻമാർ എഴുതിയ വേദങ്ങളും ഉപനിഷത്തുകളും പുരാണങ്ങളും. ജോലി കടുത്ത താണെങ്കിൽ നീല നിറത്തിലുള്ള വസ്ത്രം കൊടുക്കണമെന്ന് സ്വാഭാവികമായി തന്നെ അത് നിയന്ത്രിക്കുന്ന സ്ഥാപനങ്ങളുടെ ഉടമകൾക്ക് തോന്നുകയാണ് ചെയ്യുന്നത് .
നീല പെയിന്റ് ചെയ്തിരിക്കുന്ന സ്ഥാപനങ്ങൾ രണ്ടുവർഷത്തിനകം നഷ്ടത്തിലോ ബാധ്യതയിൽ പ്പെടുകയോ മറ്റു പ്രശ്നങ്ങളിൽ പെട്ടു മുന്നോട്ട് പോകാനാവാത്ത സ്ഥിതിയായിരിക്കും ഉണ്ടാകുന്നത്‌. ഭൂരിഭാഗം പോലീസ് സ്റ്റേഷനുകളിലും നീല പെയിൻ്റാണ് അടിച്ചിരിക്കുന്നത്. കാരണം മോഷ്ടാക്കൾ മുതൽ കൊലപാതകികൾ വരെയുള്ളവർ വരുന്ന സ്ഥലമാണല്ലോ .കുഴപ്പം ഉള്ള സ്ഥലങ്ങൾ നീല നിറമാകുന്നത് സ്വാഭാവികമായ ഒരു പരിണാമമാണ്‌. എന്നാൽ ഇതു പോലീസുകാർക്ക് സൃഷ്ടിക്കുന്ന ബുദ്ധിമുട്ടുകൾ ചെറുതല്ല. ഒരു വ്യക്തിയ്ക്ക് നല്ല സമയമാണെങ്കിൽ വിശ്രമിക്കേണ്ട സാഹചര്യങ്ങളുണ്ടാകും. എന്നാൽ സ്റ്റേഷനുകളിൽ നീല പെയിൻ്റായതിനാൽ ഒരു സമയത്തും വിശ്രമിക്കാൻ അവസരം കിട്ടിയെന്ന് വരില്ല . വീട്ടിൽ ഉപയോഗിക്കുന്ന പാചക ഗ്യാസ് പരിചയം വന്നാലും ഭയപ്പാടോടെ വീക്ഷിക്കുന്നതിന് പിന്നിൽ നീല നിറത്തിനും പങ്കുണ്ട് .കാരണം ഗ്യാസ് കത്തുന്നത് നീലനിറത്തിൽ ആണല്ലോ . ആകാശവും കടലും ദൂരെ നിന്ന് രസത്തോടെ നോക്കുമെങ്കിലും അവിടേക്ക് സഞ്ചരിക്കേണ്ടി വരുന്നതിനെ കുറിച്ച് ആലോചിച്ചാൽ ഭയം തോന്നിത്തുടങ്ങും. കടലും ആകാശവും നീല നിറം അല്ലെങ്കിലും നീലയെന്ന് തോന്നിയാൽ പോലും നമ്മെ ഭയപ്പെടുത്തുമെന്ന് സാരം.
കേരളത്തിന്റെ സമകാലീനാവസ്ഥയിൽ കെഎസ്ആർടിസിയിൽ നീല യൂണിഫോം ഉപയോഗിച്ച് തുടങ്ങിയതോടെയാണ് കൂടുതൽ പ്രശ്നങ്ങൾ ഉണ്ടായി തുടങ്ങിയത്. സാമ്പത്തിക നഷ്ടം വളരെ മുൻപേ ഉള്ളതാണെങ്കിലും യൂണിഫോമിൻ്റെ നിറം മാറ്റിയതോടെ സ്ഥാപനത്തിൻ്റെ നിലനിൽപ് തന്നെ ചോദ്യം ചെയ്യുന്ന രീതിയിലാണ് മുന്നോട്ടു പൊയ്‌ക്കൊണ്ടിരിക്കുന്നത് .ഇങ്ങനെ ഏത് മേഖല പരിശോധിച്ചാലും നീല നിറത്തിൻ്റെ സ്വാധീനം വന്നാൽ അവിടെ നാശാവസ്ഥ തുടങ്ങും.
കൂടുതൽ ഉപയോഗിക്കുന്ന സാധനങ്ങളും മലിനമായ കാര്യങ്ങളുമായി ബന്ധപ്പെട്ട് ഉപയോഗിക്കുന്ന സാധനങ്ങളും മിക്കവാറും നീല നിറത്തിലായിരിക്കും നിർമ്മിക്കുക. ക്ലീനിങ് ജോലി ചെയ്യുന്നവർക്ക് നീല യൂണിഫോം കൊടുത്തിരിക്കുന്നത് ശ്രദ്ധിക്കുക . കാരണം അവരുടെ ജോലി മലിന വസ്തുക്കളുമായി ബന്ധപ്പെട്ടതാണ്. ഒന്നിലധികം ദിവസം ധരിക്കാൻ കണക്കാക്കി നിർമ്മിക്കുന്ന ജീൻസും മിക്കവാറും നീലനിറമാണ്. ഒരു ദിവസത്തിൽ കൂടുതൽ കഴുകി വൃത്തിയാക്കാത്ത വസ്ത്രങ്ങൾ ഉപയോഗിക്കാൻ പാടില്ല. അഥവാ അങ്ങനെ ഉപയോഗിക്കാൻ ശ്രമിച്ചാൽ അതിൻ്റെ നിറം നീലനിറം ആകാതെ തരമില്ലല്ലോ . ഇങ്ങനെ കഠിനത, മലിനീകരണം, നശീകരണം , വിഷമം ,ഭയം, ശാരീരികമായോ മാനസികമായ ഉള്ള അസ്വസ്ഥത എല്ലാം നീലനിറം ഉപയോഗിച്ചാൽ നാം അനുഭവിച്ചേ തീരൂ. നീല നിറത്തിൻ്റെ ദോഷം നമുക്ക് സ്വയം പരിശോധിക്കാവു ന്നതാണ്. തുടർച്ചയായി 5 ദിവസം നീലയോ വയലറ്റോ നിറത്തിലുള്ള വസ്ത്രധാരണം ഒഴിവാക്കുക. എന്നിട്ട് ഒരു ദിവസം നീല നിറത്തിലുള്ള വസ്ത്രം ധരിക്കുക .ആ ദിവസത്തെ അനുഭവം മേൽ പറഞ്ഞ രീതിയിലാണോന്ന് പരിശോധിക്കുക .ജോലി കൂടുതൽ ചെയ്യുക , ഭക്ഷണം സമയത്ത് കഴിക്കാൻ കഴിയാതെ വരിക ,മനസികമായി അസ്വസ്ഥത ഉണ്ടാകുക എന്നിവ ആ ദിവസങ്ങളിൽ ഉണ്ടാകും. ഏത് ദിവസം ധരിച്ചാലും ഇത് ആവർത്തിക്കുന്നത് നമുക്ക് മനസ്സിലാക്കാനാകും .
നീല നിറത്തിൻ്റെ അത്രയും ബുദ്ധിമുട്ട് ഉണ്ടാക്കുന്നില്ലെങ്കിലും വയലറ്റും ഇതേ ദോഷങ്ങൾ ഉണ്ടാക്കുന്നു. അതിനാൽ നീലയോടൊപ്പം വയലറ്റ് നിറവും ഒഴിവാക്കുക.
മിക്കവാറും പേർ ഇഷ്ട നിറമെന്ന രീതിയിൽ എപ്പോഴും നീല വസ്ത്രങ്ങൾ ധരിക്കുന്നവരാണ് . അവരുടെ ജീവിതത്തിൽ എപ്പോഴും കഷ്ടതകൾ വരുമ്പോൾ സമയദോഷമോ വിധിയോ ആയിരിക്കാം എന്നാണ് വിലയിരുത്തുന്നത് . വാസ്തവത്തിൽ ധരിച്ചിരിക്കുന്ന വസ്ത്രത്തിന്റെ സ്വാധീനം ആണെന്ന് അവർ അറിയുന്നില്ല .
നിറങ്ങളിൽ ഒരു പ്രധാന നിറമെന്ന നിലയിൽ നീല നിറത്തെ പൂർണ്ണമായി നമുക്ക് ഒഴിവാക്കാനാവില്ല . എന്നാൽ ഇത് കൂടുതലും സ്വാധീനിക്കുന്നത് രണ്ടു കാര്യങ്ങളിലൂടെ ആണ് . ധരിക്കുന്ന വസ്ത്രത്തിലൂടെയും വീടിന്റെ പെയിന്റിങ്ങിലൂടെയും. ഇത് രണ്ടും നാം ആണല്ലോ തീരുമാനിക്കുന്നത് .അതിനാൽ ഒഴിവാക്കുന്നത് എളുപ്പവുമാണ്. ജോലിയുടെ ഭാഗമായ നീല യൂണിഫോം നമുക്ക് ഒഴിവാക്കാനാവാത്തതിനാൽ ഇത് ധരിക്കുന്നവർ ശരീര സംരക്ഷണത്തിനുവേണ്ടിയുള്ള ഭക്ഷണവും പ്രാർത്ഥനാ കാര്യങ്ങളും കൂടെ ചെയ്യുക.
ഭൂമിയിലെ ഉയർച്ചയും താഴ്ചയും പോസിറ്റീവ് എനർജി എത്ര ശതമാനം നാം ഉപയോഗിക്കുന്നു എന്നതിനെ അടിസ്ഥാനമാക്കിയാണ് പ്രവർത്തിക്കുന്നത്. അതിനാൽ നെഗറ്റീവ് എനർജി ഉണ്ടാക്കുന്ന നീല നിറം ഉപയോഗിച്ചേ തീരൂ എങ്കിൽ ഭൂമിയിലെ നമ്മുടെ ജീവിതം നാം തന്നെ നഷ്ടപ്പെടുത്തുന്നു എന്നാണ് കരുതേണ്ടത്.

ബാംബൂ പ്ലാൻ്റ്
_____________________________

പകൽ മാത്രമല്ല രാത്രിയിലും ഓക്സിജൻ പുറത്ത് വിടുന്നു എന്ന് ആധുനിക പഠനത്തിൽ തെളിഞ്ഞ സസ്യ മാണ് ബാംബൂ പ്ലാൻ്റ്. ഇതിനോടൊപ്പം ഭൗതിക നേട്ടങ്ങൾകൂടി ഉണ്ടാക്കാൻ ബാംബൂ പ്ലാൻ്റിന് കഴിയുമെന്ന് പ്രചാരണമുണ്ടായപ്പോൾ വ്യാപകമായി ഇത് ഉപയോഗിക്കാൻ തുടങ്ങി. ഇതിൻ്റെ സത്യാവസ്ഥ മനസ്സിലാക്കാൻ കുറച്ച് മാസങ്ങളായി നിരീക്ഷണം നടത്തുകയായിരുന്നു.
നിരീക്ഷണത്തിൽ ബാംബൂ പ്ലാൻ്റ് ജീവിതത്തിനെ സ്വാധീനിക്കുന്ന ചെടിയാണെന്ന് കണ്ടെത്തുകയുണ്ടായി. 100 സ്ക്വയർ ഫീറ്റാണ് ഇതിൻ്റെ സ്വാധീനമേഖലയായി ശാസ്ത്രലോകം വിലയിരുത്തുന്നത്. മാക്സിമം 100 മുതൽ 150 സ്ക്വയർ ഫീറ്റ് വരെയാണ് നമ്മുടെ ജീവിതത്തിനെയും സ്വാധീനിക്കുന്നതായി കാണാൻ കഴിഞ്ഞത് .അതിനാൽ ഇത് വീടിന് വെളിയിലോ ദൂരെയോ വച്ചിട്ട് ഫലം കിട്ടുമെന്ന് വിചാരിച്ചാൽ ഉദ്ദേശിക്കുന്ന ഫലം കിട്ടണമെന്നില്ല. നാം ജോലി ചെയ്യുന്ന സ്ഥലത്തോ കൂടുതൽ സമയം ചെലവഴിക്കുന്ന സ്ഥലത്തോയാണ് വയ്ക്കേണ്ടത് .
ശുദ്ധമായ സ്ഥലത്ത് ഈശ്വരാധീനം കൂടുതൽ ഉണ്ടാകുമെന്ന ഭാരതീയ ശാസ്ത്ര സിദ്ധാന്തമാണ് ഇവിടെയും പ്രവർത്തിക്കുന്നത്. വൃത്തിയും ശുദ്ധിയും ഉണ്ടാകുന്നിടത്ത് ലക്ഷ്മി വാസം ഉണ്ടാകുമെന്നാണല്ലോ പഴമൊഴി .അതാണ് ഈ ചെടിയിലൂടെ സംഭവിക്കുന്നത്. ഈ ചെടിയിൽ നിന്ന് ഓക്സിജൻ കൂടുതൽ പ്രവഹിക്കുന്നു എന്നതാണ് പ്രത്യേകത. ഇത് ആ സ്ഥലത്തെ നെഗറ്റീവ് എനർജി മാറ്റുന്നു. നെഗറ്റീവ് എനർജി മാറുമ്പോൾ അനുകൂല മാറ്റങ്ങളും ഉണ്ടാകുന്നു.
ഈ ചെടിക്ക് ചുറ്റും ദോഷവസ്തുക്കൾ ഉണ്ടെങ്കിലോ മാറ്റം വരുത്തേണ്ട വസ്തുക്കൾ ഉണ്ടെങ്കിലോ അത് മാറുന്നതിനുളള സാഹചര്യമുണ്ടാകുക , സാമ്പത്തിക വരവ് കൂട്ടുക, കിട്ടാനുള്ള രൂപ കിട്ടുക ,ജോലിയിൽ അനുകൂലത എന്നിവയാണ് ബാംബൂ പ്ലാൻ്റിൻ്റെ സാന്നിദ്ധ്യം സൃഷ്ടിക്കുന്നത് .
ഓക്സിജൻ്റെ സാന്നിദ്ധ്യം ഉണ്ടാക്കുന്നതിനാൽ വീടിനകത്ത് ഈ ചെടി വയ്ക്കാവുന്നതാണ് .മണ്ണിൽ മാത്രമല്ല വെള്ളത്തിൽ പോലും വളരുന്ന ഒരു സസ്യമാണ് ബാംബൂ പ്ലാൻ്റ്. ധാരാളം പേർ ഇത് കുപ്പിയിലോ പ്രത്യേക പാത്രങ്ങളിലോ വീടിനകത്ത് വയ്ക്കാറുണ്ട്. പക്ഷേ വീടിനകത്ത് വെള്ളം കെട്ടി നിന്നാൽ അത് ഒരു ഗ്ലാസിലാണെങ്കിലും അന്തരീക്ഷം മലിനമാകുകയും അസുഖം ഉണ്ടാക്കുകയും ചെയ്യും. അതിനാൽ വെള്ളം നിറച്ച പാത്രത്തിൽ നാം വസിക്കുന്ന വീടിനുള്ളിലെ മുറിക്കുള്ളിലാണ് വയ്ക്കുന്നതെങ്കിൽ മൂന്നു ദിവസത്തിൽ ഒരിക്കലെങ്കിലും വെള്ളം മാറ്റാൻ ശ്രമിക്കണം .അല്ലെങ്കിൽ ഗുണത്തെക്കാൾ ദോഷമായി മാറും. ചെടികളാകുമ്പോൾ ചില പ്രത്യേക പ്രാണികൾ അതിൽ വന്നിരിക്കാറുണ്ട്. ഇതും ശ്രദ്ധിക്കണം. അങ്ങനെ വന്നാൽ മുറിക്കുള്ളിൽ അത് വിപരീത ഊർജ്ജമുണ്ടാക്കും. അനേക അനുകൂല ഘടകങ്ങൾ ഒന്നിച്ച് ചേരുമ്പോഴാണ് ജീവിതത്തിൽ വിജയമുണ്ടാകുന്നത്. അതിലൊരു ഘടകമായി ബാംബൂ പ്ലാൻ്റിനേയും തിരഞ്ഞെടുക്കാം. സാമ്പത്തികമായി ഈ ചെടി കാരണം പത്ത് രൂപ അധികം വന്നാൽ പോലും സ്ഥിരമായി അങ്ങനെ സംഭവിച്ചാൽ ജീവിതത്തിൽ വലിയ മാറ്റങ്ങൾ ഉണ്ടാകും. യഥാർത്ഥത്തിൽ സാമ്പത്തിക വരവ് എന്നതല്ല നമുക്ക് ജോലി ചെയ്യാനുള്ള ഊർജ്ജവും ശക്തിയുമാണ് ആവശ്യം .നമ്മുടെ കർമ്മമേഖല പുഷ്ടിപ്പെടുമ്പോൾ ഉയർച്ചയെന്നത് സ്വയമുണ്ടാകുന്നതാണ്. അതിനുള്ള വഴി ഒരുക്കാൻ ഒരു ചെടിക്കോ ഒരു വസ്തുവിനോ ഒരു വ്യക്തിക്കോ കഴിഞ്ഞാൽ അത് പ്രാധാന്യം അർഹിക്കുന്നത്‌ തന്നെയാണ് .