ഒരു മനുഷ്യന് തന്റെ ജീവിത കാലഘട്ടത്തിൽ ചെയ്യാൻ കഴിയുന്നതിൻ്റെ പൂർണ്ണതയാണ് ഉത്തരംകോട് സജു എന്ന വ്യക്തിയുടെ ജീവിതത്തിൽ സംഭവിച്ച് കൊണ്ടിരിക്കുന്നത് . പുസ്തകവായനാ സമയത്ത് ലഭ്യമായ പുസ്തകങ്ങളെല്ലാം വായിച്ചു തീർത്ത് വായിക്കാൻ പുസ്തകങ്ങൾ ഇല്ലാതെ വായന നിർത്തിയ അനുഭവം. സാഹിത്യ രചനാ കാലഘട്ടത്തിൽ നിത്യവും രചന നടത്തി അതിശയിപ്പിച്ച എഴുത്തുകാരൻ. ജ്യോതിഷത്തിലും ഭാരതീയ ശാസ്ത്ര ശാഖകളിലേക്കും കടന്നപ്പോൾ വിപ്ലവകരമായ കണ്ടുപിടുത്തങ്ങൾ നടത്തിയ ദൈവജ്ഞൻ . യാഗങ്ങൾക്ക് നേതൃത്വം കൊടുത്തപ്പോൾ 4 മാസത്തിലൊരിക്കൽ യാഗം നടത്തി അത്ഭുതം സൃഷ്ടിച്ച യാഗ കാർമ്മികൻ . ചെയ്യുന്ന കർമ്മം എതായാലും അതിൽ വിശ്രമമില്ലാതെ പ്രവർത്തിച്ച്‌ വിജയത്തിൽ എത്തിക്കുന്ന മഹാത്മാവ്.

1976 ഫെബ്രുവരി രണ്ടിന് ചതയം നക്ഷത്രത്തിൽ തിരുവനന്തപുരം ജില്ലയിലെ കാട്ടാക്കട താലൂക്കിൽ ഉത്തരംകോട് എന്ന സ്ഥലത്ത് ജനിച്ചു. 1987 വരെ ഉത്തരംകോട് ഇരുവേലി സ്കൂളിൽ എൽപി യുപി വിദ്യാഭ്യാസം .10 വയസ്സു മുതൽ തന്നെ സാഹിത്യ രചനാ മത്സരങ്ങളിൽ പങ്കെടുത്തു .1987 മുതൽ 90 വരെ കുറ്റിച്ചൽ പരുത്തിപ്പള്ളി സ്കൂളിലായിരുന്നു ഹൈസ്കൂൾ പഠനം . ഈ കാലഘട്ടത്തിൽ സദാസമയവും സമൂഹത്തിലെ ജനങ്ങൾ അനുഭവിക്കുന്ന കഷ്ടതകൾ മാറ്റാനായി ഭാവിയിൽ എങ്ങനെയെക്കെ പ്രവർത്തിക്കണമെന്ന ചിന്തയിലായിരുന്നു.

1991 ൽ കുറ്റിച്ചൽ സാരഥി പാരലൽ കോളേജിൽ പ്രീഡിഗ്രിക്ക് ചേർന്നു .പുസ്തക വായനയും ചെറിയ രീതിയിലുള്ള കഥാരചനയും ഈ കാലയളവിൽ നടന്നു.

1992 : സാഹിത്യരംഗം മുഖ്യലക്ഷ്യമായി ഏറ്റെടുത്ത് ഗൗരവമായ രചനകൾ നടത്തി തുടങ്ങി. കഥ, കവിത ,കാർട്ടൂൺ തുടങ്ങിയവയെല്ലാം എഴുത്തിലേക്ക് കടന്ന് വന്നു.

1993 : കാട്ടാക്കട എസ് എം കോളേജിൽ മലയാളം ഐച്ഛിക വിഷയമായി എടുത്ത് ബിരുദ കോഴ്സിൽ പഠനം ആരംഭിച്ചു. 93 ഫെബ്രുവരിയിൽ "മുഴക്കം" എന്ന ആദ്യനോവൽ രചിക്കപ്പെട്ടു.

1994 : സാംസ്കാരിക പ്രവർത്തനത്തിൻ്റെ ഭാഗമായി അരികിൽ രാഗം ഗ്രന്ഥശാലയിൽ പ്രവർത്തനം. ഇവിടെന്ന് പ്രസിദ്ധീകരിച്ച കയ്യെഴുത്ത് മാസികയായ ഗ്രാമരാഗത്തിന്റെ പ്രവർത്തനവും ഈ ഘട്ടത്തിലാണ് നടന്നത് . സാഹിത്യ രംഗത്ത് "ഇടത്താവളം "എന്ന നോവലിന്റെ രചനയും ഈ വർഷം നടന്നു.

1995 : സ്പന്ദനം എന്നപേരിൽ ഒരു അച്ചടി മാസിക തുടങ്ങാനുള്ള തയ്യാറെടുപ്പുകൾ നടന്നു. എന്നാൽ രജിസ്ട്രേഷൻ കിട്ടാനുള്ള ബുദ്ധിമുട്ടുകൾ പരിഗണിച്ച് ആ ശ്രമം ഉപേക്ഷിച്ചു. പകരം സമൂഹത്തിനെ സഹായിക്കാനായി "മാനിഷാദ" എന്ന പേരിൽ ഒരു സാമൂഹ്യ സാംസ്കാരിക സംഘടന തുടങ്ങാൻ തീരുമാനിച്ചു.

1996 : മാനിഷാദാ സാമൂഹ്യ സാംസ്കാരിക സംഘടനയുടെ ഉദ്ഘാടനം നടന്നു . സംഘടനയുടെ ഭാഗമായി ബാല തൂലിക എന്ന ഒരു കയ്യെഴുത്ത് മാസികയും തുടങ്ങി. അധ്യാപക ജീവിതത്തിന് തുടക്കം കുറിച്ചുകൊണ്ട് കുറ്റിച്ചൽ ജീനിയസ് പാരലൽ കോളേജിൽ മലയാളം പഠിപ്പിക്കുന്നതിന് തുടക്കമായി,. തിരുവനന്തപുരത്ത് നിന്ന് പ്രസിദ്ധീകരിക്കുന്ന ബുള്ളറ്റിൻ എന്ന ഒരു മാഗസിനിൽ ജോലി ലഭിച്ചതും ഇതേ വർഷമാണ്.

1997: ഡിഗ്രിയ്ക്ക് ശേഷം ഇലക്ട്രോണിക്സ് രംഗത്ത് ചുവടുറപ്പിച്ചു .വിവിധ ഗ്രന്ഥശാലകളിൽ നിന്നുള്ള പുസ്തകങ്ങൾ വായിച്ച് തീർന്നതിനാൽ നിരന്തരമായ പുസ്തക വായന നിലച്ചു . ചില അദ്ധ്യാപകരിൽ നിന്ന് കിട്ടിയ ഉപനിഷത്തുകൾ പരിശോധിച്ചപ്പോൾ ഇന്ത്യയുടെ ചരിത്രത്തെ കുറിച്ച് വായിച്ചതൊക്കെ ശരിയാണോ എന്ന സംശയം ഉണ്ടായി . അതിനാൽ ചരിത്ര പഠനം കൂടുതൽ ആവശ്യമാണെന്ന് തോന്നി . "കൂടില്ലാ കുരുവികൾ " എന്ന കവിതാ സമാഹാരവും ഈ വർഷം എഴുതി.

1998: സാഹിത്യരംഗത്ത് സ്വർണ്ണ പ്രഭ ചൊരിഞ്ഞു കൊണ്ട് "ഇലകൊഴിയും കാലം " എന്ന നോവൽ എഴുതിയത് ഈ വർഷത്തിലെ പ്രധാന സംഭവമായി.
ഭാരതീയ ചരിത്ര പഠ നത്തിനോടൊപ്പം ആചാരങ്ങളും അനുഷ്ഠാനങ്ങളുമായി ബന്ധപ്പെട്ട ശാസ്ത്രീയത നിരീക്ഷിച്ച് തുടങ്ങി. ഭാരതീയ ശാസ്ത്രങ്ങളിൽ ഇതിനെ കുറിച്ചുള്ള വിശദീകരണവും പരിശോധിക്കാൻ ആരംഭിച്ചു.

1999 : "ദൈവം ഇപ്പോൾ ഭൂമിയിൽ ആണ് " എന്ന കഥാസമാഹാരം രചിച്ചു. ബാലസാഹിത്യ കൃതിയായ "വായിച്ചിരിക്കേണ്ട പുസ്തകം" രചിച്ചതും ഈ വർഷമാണ് . ഈ കാലയളവിൽ ആചാരാനുഷ്ഠാനങ്ങളുടെ ശാസ്ത്രീയതയോടൊപ്പം ജ്യോതിഷത്തിലെ കാര്യങ്ങളും പരിശോധിക്കാൻ തീരുമാനിച്ചു.

2000: "ഇലകൊഴിയും കാലം " എന്ന നോവൽ പ്രഭാത് ബുക്ക് ഹൗസ് പ്രസിദ്ധീകരിച്ചു . ആനുകാലിക പ്രസിദ്ധീകരണങ്ങളിൽ കഥയും കവിതയും കൂടുതൽ അച്ചടിച്ചുവന്നു. ജ്യോതിഷത്തിനെ കൂടുതൽ അറിയാൻ ശ്രമിച്ചപ്പോൾ അതിലെ കണക്കുകളിൽ ചില വ്യത്യാസങ്ങൾ ബോധ്യപ്പെട്ടു. തുടർന്ന് ജ്യോതിഷ ശാസ്ത്രത്തിന് മുതൽക്കൂട്ടായി അത്ഭുതപ്പെടുത്തുന്ന കണ്ടുപിടുത്തം നടത്തി.

2001 : നൂറുകണക്കിന് ഗ്രഹനിലകളെയും ആളുകളുടെ അനുഭവ ജീവിതവും പരിശോധിച്ചുകൊണ്ട് ജ്യോതിഷ ശാസ്ത്രത്തിലെ മാറ്റങ്ങളെക്കുറിച്ച് നിരീക്ഷണം തുടങ്ങി .സാഹിത്യ രംഗത്ത് "കടലുകൾക്ക് ശേഷം " എന്ന മറ്റൊരു നോവൽ കൂടി എഴുതി പൂർത്തിയായി.

2002 : ലൈബ്രേറിയൻ കോഴ്സ് പഠനം. ഇതോടൊപ്പം ഗ്രഹനിലകൾ പരിശോധന തുടർന്നു .ജ്യോതിഷ ശാസ്ത്രത്തിൽ വ്യക്തമായ മാറ്റങ്ങൾ വരുത്തേണ്ടതിൻ്റെ ആവശ്യകത മനസ്സിലായി .എന്നാൽ തൽക്കാലം ഈ മാറ്റങ്ങളെക്കുറിച്ചുള്ള അറിവുകൾ പരസ്യമാക്കേണ്ടതില്ലെന് തീരുമാനിച്ചു.

2003 :"ജ്യോതിഷത്തിലെ താക്കോൽ " എന്ന ആദ്യ ജ്യോതിഷ പുസ്തകം പ്രസിദ്ധീകരിച്ചു.

2004 :എല്ലാദിവസവും സാഹിത്യ രചനയോ അതിനുവേണ്ടിയുള്ള ആശയങ്ങളോ കണ്ടെത്തി കൊണ്ടിരുന്നിട്ട് 2004-ൽ 12 വർഷങ്ങൾ തികഞ്ഞു .12 എന്ന സംഖ്യ യുഗങ്ങളുടെ അതായത് കാലഘട്ടത്തിൻ്റെ മാറ്റമാണ് ഉണ്ടാക്കുന്നത് .പുരാണങ്ങളിൽ സൂചിപ്പിക്കുന്ന ഈ കണക്ക് പോലെ സാഹിത്യരംഗത്ത് അപ്രതീക്ഷിതമായ വിരാമം ഈ വർഷം വന്നു. ജ്യോതിഷത്തിലെ മാറ്റത്തെ പോലെ ഭാരതീയ ശാസ്ത്ര ശാഖകളെ കുറിച്ചുള്ള നിരീക്ഷണവും കൂടിയേ തീരൂ എന്ന് തോന്നിയത് കൊണ്ടാണ് ഈ തീരുമാനം വന്നത്. വാസ്തവത്തിൽ ഇത് ഈശ്വരനിശ്ചയമായിരിക്കാം. കടലുകൾക്ക് ശേഷം എന്ന നോവലിൽ സൂചിപ്പിച്ച പോലെ കടലുകൾ ഉയർന്ന് ദ്വീപുകൾ മുങ്ങുന്നത് യാഥാർത്ഥ്യമായി . ലോകരാജ്യങ്ങളിൽ ഇത് ഈ വർഷം സംഭവിച്ചു.

2005 : ജ്യോതിഷ ഫലപ്രവചനം നടത്താനായി "ജ്യോതിഷ വിദ്യാപീഠം" എന്ന സ്ഥാപനം കാട്ടാക്കട തുടങ്ങി.

2006 : ഒരു ആദ്ധ്യാത്മിക മാസിക തുടങ്ങാനുള്ള പ്രവർത്തനങ്ങൾ ആരംഭിച്ചു.

2007 : മാസിക (കളഭം) തുടങ്ങാനുള്ള പ്രവർത്തനം അന്തിമഘട്ടത്തിലായി. 1995 ൽ ഒരു മാസിക തുടങ്ങാൻ ആഗ്രഹിച്ചിരുന്നു എങ്കിലും അതിനു രജിസ്ട്രേഷൻ ലഭിക്കാത്തതിനാൽ തുടങ്ങുകയുണ്ടായില്ല. 12 എന്ന സംഖ്യയുടെ പ്രാധാന്യം ഒരിക്കൽ കൂടി ജീവിതത്തിൽ അനുഭവപ്പെട്ടു. 95- കഴിഞ്ഞ് 12 വർഷത്തിന് ശേഷം അതായത് 2007-ൽ ആഗ്രഹസാഫല്യമായി കളഭം മാസികയ്ക്ക് രജിസ്ട്രേഷൻ ലഭിച്ചു.

2008 : കളഭം മാസിക ഔദ്യോഗികമായി പ്രസിദ്ധീകരണമാരംഭിച്ചു .മാസികയുടെ ചീഫ് എഡിറ്ററായി മാറി. തുടർന്നുള്ള വർഷങ്ങൾ മാസികാ പ്രവർത്തനം, വിവിധ ക്ഷേത്രങ്ങളുടെ ജ്യോതിഷ ആചാര്യ സ്ഥാനം , ജ്യോതിഷ ആത്മീയ പുസ്തകങ്ങളുടെ പ്രസിദ്ധീകരണം, ഭാരതീയ ആചാരങ്ങൾക്ക് വേദകാലഘട്ടത്തിൽ കൊടുത്തിരുന്ന അർത്ഥങ്ങളെയും ആശയങ്ങളെയും കുറിച്ചുള്ള അന്വേഷണം എന്നീ കാര്യങ്ങളിൽ പ്രവർത്തനം നടത്തുകയായിരുന്നു.

2015: പുരാണങ്ങളിൽ ഏറ്റവും കൂടുതൽ സൂചിപ്പിക്കപ്പെടുന്ന യാഗങ്ങളിലേക്ക് കർമ്മരംഗം മാറി. 2015 മുതൽ 2020 വരെയാണ് തുടർച്ചയായി യാഗങ്ങൾ നടത്തിയത് .കേരള സന്യാസി സഭയുടെ ആചാര്യൻമാരും സന്യാസി സമൂഹവും തിരുവനന്തപുരം സനാതന ഭക്ത മഹാ സഭയുടെ കീഴിൽ അണി നിരന്നാണ് യാഗങ്ങൾ നടത്തിയത്. ഓരോ നാല് മാസത്തിൽ ഒരിക്കൽ യാഗങ്ങൾക്ക് നേതൃത്വം കൊടുത്തുകൊണ്ട് അസാധാരണമായ ഒരു സാഹചര്യവും കാലഘട്ടവുമാണ് സൃഷ്ടിച്ചത് . സാഹിത്യരചന നടത്തിയപ്പോഴും ജ്യോതിഷം ഉൾപ്പെടെയുള്ള ഭാരതീയ ശാസ്ത്രങ്ങൾ നിരീക്ഷിച്ചപ്പോഴും വിശ്രമമില്ലാത്തത് പോലെ വിശ്രമമില്ലാത്ത ഒരു കാലഘട്ടമാണ് യാഗ സമയത്തും ഉണ്ടായത് .

2015 ൽ ജ്യോതിഷ വാസ്തു രത്ന ശാസ്ത്രങ്ങൾക്കുള്ള മികവിന് മഹാ ധന്വന്തരി അവാർഡ് കിട്ടി. 2017-ൽ അനവധി യാഗങ്ങൾക്ക് നേതൃത്യം കൊടുത്തതിന് കേരള സന്യാസി സഭയുടെ പുരസ്കാരവും ലഭിച്ചു .

2018 -ൽ പുതിയ നിയോഗം ഏറ്റെടുത്തു. Research academy for Astrological Science & Indian spirituality( RASI ) എന്ന സംഘടന രൂപീകരിച്ചു. 2019 ൽ Raasi Spiritual Academy Trust എന്ന പേരിൽ ഒരു ട്രസ്റ്റും രൂപീകരിച്ചു. വേദകാലജ്ഞാനം സാധാരണ ജനങ്ങൾക്ക് എത്തിക്കാനും പഠിക്കാൻ താൽപ്പര്യമുളളവരെ പഠിപ്പിക്കാനും പ്രകൃതിയുടെ നിലനിൽപ്പിന് ആവശ്യമായ വൃക്ഷ തൈകൾ നട്ടുപിടിപ്പിക്കാനും പട്ടിണി ഇല്ലാത്ത ഒരു ജനസമൂഹം കെട്ടിപ്പടുക്കാനുമാണ് രാശി ട്രസ്റ്റ് രൂപീകരിച്ചത്.

15 വയസ്സുമുതൽ തുടങ്ങിയ ഉത്തരംകോട് സജു എന്ന വ്യക്തിയുടെ വിശ്രമമില്ലായ്മ ഇപ്പോൾ രാശിയുടെ പ്രവർത്തനത്തിലൂടെ തുടരുകയാണ്. 15 മുതൽ 17 മണിക്കൂറാണ് ഓരോ ദിവസവും ഉത്തരംകോട് സജു കർമ്മരംഗത്ത് ചിലവഴിക്കുന്നതെന്നത് ഒരു പക്ഷേ മറ്റുള്ളവർക്ക് അതിശയോക്തിയാവാം. പക്ഷേ അത് ഒരു യാഥാർത്ഥ്യമാണ് .